Voici une partie de l’article de 2008 d’Unità Naziunale :
Le 13 avril 2008 disparaissait un militant infatigable et sincère de la Lutte de Libération Nationale Corse. Voici l’hommage de Ghjuvan’Filippu Antoloni et l’article d’Unità Naziunale :
Le 13 avril 2008 : (Unità Naziunale, www.unita-naziunale.org – Corse – In Mimoria) Hè mortu Petru Sinoncelli. Hè mortu un patriottu chì hà tantu datu per a Corsica. Si n’hè andatu per u sempre u nostru amicu caru, u nostru fratellu di lotta. Petru passò a so vita à impignassi per a nostra causa. Giovane militante participò à tutte e mosse di a giuventù corsa di l’anni ottanta. Poi, militante maturu, ind’è l’anni nuvanta, cunnobbe a prigiò perchè era omu à piglià l’arme di pettu à u nemicu. Ùn piegò mai è fù sempre à fiancu à tutti quelli chì vulianu difende issa tarra di Corsica.
Era un umone, un militante di prima trinca sempre prontu à scumbatte per una causa ghjusta… Qualchì ghjornu nanzu di more, era in carrughju, bandera in manu, per difende i patriotti incarcerati.
Sò orfani oghje i Naziunali, ma per ellu, fallaranu sempre in carrughju cù trumbette è tamburi per fà sunnà l’anticu cornu. Sapia Petru u pesu di u travagliu, ma a so prima qualità era u sparte. Quelli chì anu avutu a furtuna di cunnoscelu a sanu, ùn era pussivule di passà in casa à salutallu senza stà per manghjà, a so porta firmava sempre aparta. U so travagliu, a so opara per a cultura nustrale era maiò. Avia fattu rinasce u sintimu naziunale, è tutti u chjamavanu per fà campà a nostra Storia.Si n’hè andatu un Corsu isciutu di a tradizione storica di u nostru populu. U ricordu di Petru firmarà sempre in noi, perchè l’omi cum’è ellu ùn morenu mai.
Addiu o Pè !
Ghjuvan Filippu ANTOLINI
L’article (dossier) complet sur Unità Naziunale en 2008
Article complémentaire en 2013
2016 : Rinnovu Naziunali
Salute à tè o Pè…Sì sempre à fianc’à noi!
In umaggiu à Petru Sinoncelli, patriottu sinceru, sparitu u 13 d’aprile di u 2008, eccu un strattu di u testu di u nostru amicu Antone Carli, scrittu in u 2009, in più di stu magnificu ritrattu fattu da Ghjuvan Francescu Gandon.
Salute à tè o Pè…Sì sempre à fianc’à noi!« O Pè, figliolu ancu tù di Zerubia, ùn vulii mai dorme, chì ci eranu tanti affari à fà. Sì statu un esempiu di valori pè tutti i naziunali, un cumbattente d’onore à u serviziu di a to patria, pè u rinnovu di a to nazione. I to figliolucci, e prussime generazione saperanu quale tù si statu, chì ùn ci scurderemu mai, è sterai sempre à fianc’à noi nant’à issa strada diritta. Riposa puru in pace o fratellu, a resistenza ùn hè compia ».
by @Lazezu
Revue de Presse et suite de l’article :
sur Corse Matin, sur Alta Frequenza, sur RCFM, Sur Corsica, Sur le Journal de la Corse, Sur Alcudina, sur Corsica Infurmazione/Unità Naziunale, sur France 3 Corse, Sur Corse Net Info (CNI)
Corsica Infurmazione: l’information de la Corse, des Réseaux sociaux et des Blogs politiques [Plateforme Unità Naziunale]